Гладбахнинг “Боруссия” клуби футболчиси Маттиас Гинтер фаолиятини Италия чемпионатида давом эттириш имкониятига эга. 

Инсайдер Николо Скира ўзининг “Twitter” саҳифасида хабар беришича, “Интер” 27 ёшли футболчининг янги жамоаси бўлиши мумкин. “Нерадзуррилар” футболчини жорий мавсум якунида, амалдаги клуби билан шартномаси тугайдиган пайтда шартнома имзолашни режалаштирмоқда.

Италия чемпиони аллақачон Маттиас билан музокараларни бошлаб юборган ва унга 4 йиллик шартнома таклиф қилган.

Гинтер 2017 йилдан бери “Боруссия”да ўйнаб келмоқда. Ҳимоячи Германия терма жамоасида 32 та ўйин ўтказган.