"France Football" нашрининг «Олтин тўп»ни топшириш маросимида «Манчестер Юнайтед» ҳужумчиси Криштиану Роналдуга нисбатан қилинган иш кўпчиликка ёқмади.
Португалиялик футболчи ушбу маросимга ташриф буюрмади. Тадбир пайтида Роналду ҳақида гап кетганида ташкилотчилар катта экранда футболчининг Дидье Дрогба билан тушган эски суратини намойиш этишди. Бу сурат "Vanity Fair" журнали муқовасида 2010 йилда эълон қилинган бўлиб, унда Криштиану ва Дрогба ич кийимда акс этишган.
Маросимда ўтирган Роберт Левандовски, Лионель Месси ва Килиан Мбаппе экранда намойиш этилган ушбу расмни кўриб кулишди.
Бу ҳолат Дрогбага ҳам ёқмади: «Нима учун ушбу суратни намойиш этиш керак эди?», дея савол берди Дидье.
Ташкилотчиларнинг бу иши кўпчилик футбол мухлисларининг норозилигига сабаб бўлди.