Агар Англия премьер-лигаси Hawk-Eye голни аниқловчи система яратувчилари билан шартнома имзоласа, ҳакамлар гол бўлган-бўлмаганини бир сонияда аниқлайдиган бўладилар.

Бу ҳақда ушбу система яратувчиларининг матбуот анжуманида иштирок этган АР журналисти Роб Ҳаррис ўз твиттерида ёзди.

Эслатиб ўтамиз, Англия премьер-лигаси Hawk-Eye системасини тўрт йил давомида қўлламоқчи, амалга ошиши мумкин бўлган келишувнинг молиявий томонлари ошкор қилинмаган.

Ушбу система Футбол ассоцияциялари ҳалқаро кенгаши (IFAB)нинг июль ойида бўлиб ўтадиган йиғилишида  рухсат берилган тақдирда барча жамоаларнинг уй стадионига ўрнатилади.