"France Football" бош муҳаррари Паскаль Ферре нашр 2020 йилги «Олтин тўп»ни «Бавария» ҳужумчиси Роберт Левандовскига топшириш мумкинлигини инкор қилмади.

Эслатиб ўтамиз, 2021 йил якунлари бўйича «Олтин тўп» «ПСЖ» форварди Лионель Месси топширилди. Аргентиналик футболчи сўровнома натижасида польшалик ўйинчини бироз ортда қолдирди. Ўтган йили эса нашр коронавирус пандемияси туфайли ушбу совринни ҳеч кимга топширмасликка қарор қилганди.

«Месси айтган фикр ёқимли ва ақл билан айтилган. Ўйлашимча, шошма-шошарлик билан қарор қабул қилмаслигимиз керак. Биз бу ҳақда ўйлаб кўришимиз мумкин. Шунингдек, «Олтин тўп» ғолиби сўровнома ёрдамида аниқланиш анъанасини ҳурмат қилишимиз зарур. 2020 йилда ким совринга муносиб эканини билмаймиз, чунки сўровнома ўтказмадик. Аммо, очиғини айтсам, ўтган йили Левандовски ғалаба учун ажойиб имкониятга эга бўлганди», — деди Ферре.