Ушбу дам олиш кунлари Германия Бундеслигасида принципиал тўқнашув бўлиб ўтади. Унда «Боруссия Дортмунд» «Бавария»га қарши ўйин ўтказади.

«Асаларилар» мухлисларнинг анъанавий тарзда кучли қўллаб-қувватлашларига ишонади, аммо Германиядаги эпидемиологик вазиятнинг ёмонлашиши кўплаб ишқибозларнинг стадионга киришларига йўл қўймайди.

Kicker хабарига кўра, «Боруссия» дастлаб «Бавария»га қарши ўйин учун тайёрланган 67 000 та чиптанинг барчасини бекор қилган.

Аммо бу ўйин бўш трибуналарда ўтказилади дегани эмас. Яқин вақт ичида расмийлар стадион сиғими бўйича қарор қабул қилади, шундан сўнг «Боруссия» чипталар миқдорида аниқ бир қарорга келиши мумкин. 

Маълумот учун, «Боруссия» ва «Бавария» ўртасидаги ўйин 4 декабрь куни бўлиб ўтади.