Антонио Конте ўз шогирди Кристиан Ромеро аҳволи юзасидан фикр билдирди. У бу ҳақда шундай дейди:

"У билан боғлиқ ҳолатни ижобий дея олмайман. Менимча, бу кўп вақт талаб этади. Янги йилгача, у даволаниши керак. Биз унинг жароҳатини ҳар ҳафта текшириб борамиз. Очиғини айтиш керак, жароҳат ўта жиддий. У ҳозир соғайиш йўлига тушди. Аммо бунга кўп вақт талаб этилади. Мен бундан афсусландим. Чунки Ромеро таркибнинг муҳим футболчиларидан бири эди. Мен уни қачон қайтишини аниқ айта олмайман. Январдир ёки февраль. Айта оладиганим шуки, у учун 2021 йил якунланди. Бизда кутишдан бошқа чора йўқ".

Ромеро халқаро танаффуслар вақтида чап оёқ сон соҳасидан жароҳат олган эди.