“Рома” бош мураббийи Жозе Моуриньо А серияда “Болонья”га қарши ўйин ҳақида фикр билдирди. “Бўрилар” Синиса Михайлович шогирдларига ютқазиб (0:1) ўз мухлисларини ранжитди. 

“Мен Михайлович ва унинг жамоасини ушбу ғалаба билан табрикламоқчиман. Лекин футболчиларимни ҳам олқишлашим керак. Ҳамма йигитлар бор кучларини беришди. Бизда жисмоний муаммоларга қарамай ўйнаган бир қанча футболчилар бор эди.

Мен ўз жамоам билан фахрланаман. “Болонья” билан ўйиндан кейин салбий ҳис-туйғуларни ҳис қилмаяпман”, - деди Моуриньо.

Қўшимча қиламизки, 4 декабрь куни “Рома” Жозе Моуринонинг собиқ жамоасига қарши майдонга тушади. Римликлар ўз майдонида “Интер”ни қабул қилади.