Ўтган дам олиш кунлари “Сент-Этьен”га қарши муваффақиятли ўйинга қарамай, ПСЖ ҳужумчиси Лионель Месси “Ницца”га қарши баҳсда олдинги каби ўйин намойиш эта олмади. Аргентиналик футболчи ушбу ўйинда ҳеч қандай самарали ҳаракатлари билан ажралиб турмади ва унинг жамоаси нурсиз дуранг натижасини қайд этди.
Футболчига айнан имкониятларни амалга ошириш борасида барқарорлик етишмаяпти. Месси яқинда урган голлар нисбати бўйича ўзининг шахсий антирекордини ўрнатди ва юқорида айтиб ўтилган учрашувда уни янгилади.
Лионель 30 уринишда атиги битта гол урди. Жорий чемпионат доирасида футболчи рақиб дарвозаси томон 30 та зарба йўллаб, атиги 1 та гол урган. “Олтин тўп”нинг амалдаги ғолиби ҳеч қачон бундай мавсумни бошламаган, деб хабар беради “Whoscored”.