Ловрен «Олтин тўп» топшириш маросимидан сўнг Салоҳ ҳақида ҳазил қилди.
«Зенит» ҳимоячиси Деян Ловрен «Ливерпуль» ҳужумчиси Муҳаммад Салоҳнинг «Эвертон»га (4:1) қарши Англия чемпионатининг 14-турида урган дубли ҳақида фикр билдирди.
«Муҳаммад, яхши ишлашда давом этинг ва France Football сизни кейинги йили олтинчи ўринга қўяди», - деб ёзди Ловрен твиттерда. «У кўпроқ ҳурматга лойиқ», дея қўшимча қилади футболчи.
Эслатиб ўтамиз, 29 ёшли мисрлик 2021 йил охирида «Олтин тўп» учун ўтказилган овоз беришда еттинчи ўринни эгаллаган эди. Соврин соҳиби «ПСЖ» ҳужумчиси Лионель Месси бўлди.
