Лондоннинг «Арсенал» клуби бош мураббийи Арсен Венгер Дортмунднинг «Боруссия» клуби яримҳимоячиси Марио Гётцени қўлга киритиш ниятидан қайтмоқчи эмас.
«The Daily Mail» нашрининг хабар беришича, «канонирлар» Германия терма жамоаси футболчиси учун ўтган йил ёзидаёқ 20 миллион фунт-стерлинг таклиф қилишганди, энди эса бу таклиф миқдорини яна 5 миллион фунтга оширишган.
Агар трансфер амалга ошиб, ўйинчи Англияга келадиган бўлса, у «Арсенал» тарихидаги энг қиммат ўйинчига айланади.
Бунгача лондонликлар сотиб олган энг қиммат футболчи Россия терма жамоаси аъзоси Андрей Аршавин ҳисобланарди.
Қайд этиб ўтиш жоиз, айни вақтда Гётценинг жароҳати бор, бироқ у Германия терма жамоасининг Евро-2012да иштирок этадиган таркибидан жой олиши эҳтимоли катта.
Ушбу ярим ҳимоячидан ташқари, «Арсенал» Германиядан «Кёльн» ҳужумчиси Лукаш Подольскини ҳам олиб келиши мумкин.