Усмон Дембеле "Барселона"нинг шартномани узайтириш бўйича таклифларига жавоб бермади, деб хабар беради Mundo Deportivo.

Клуб футболчига ултиматум қўйган: агар 15 кун ичида франциялик футболчи келажагини ҳал қилмаса, у қишда трансферга қўйилади.

Бироқ Дембеле агентнинг босими туфайли янги шартнома имзолаш ёки имзоламаслик тўғрисида жиддий ўйламоқда. Унинг агенти Дембелега бошқа жамоада яхшироқ бўлади деган фикрда. Демак, қизиқиш билдираётган клублар орасида қишда "Барселона"га таклиф билан чиқиши мумкин жамоалар қаторида "Манчестер Юнайтед" ва "Ньюкасл" бор.

Шу билан бирга, Дембеле жорий клубида бахтли эканини, қолишни ва ишончни оқлашни хоҳлаётганини айтади.

Дембеленинг шартномаси 2022 йилнинг ёзида якунига этади.