Германиянинг «Кёльн» жамоаси ҳужумчиси Лукаш Подольски ўз жамоасини ўзгартириш бўйича ҳали якуний қарорни қабул қилмаган. Бу ҳақда «Sky Sports» хабар бермоқда.

«Матбуотда эълон қилинаётган кўплаб хабарларга жавобан шуни айтишим мумкинки, ҳали ҳеч нима ҳал қилингани йўқ. Ўзимда аниқ бир маълумот пайдо бўлиши билан бу ҳақда сизга хабар бераман», деди германиялик футболчи.

Эслатиб ўтамиз, аввалроқ «Арсенал» ва «Кёльн» ўртасида Германия терма жамоаси аъзосининг трансфери бўйича 10,9 миллион фунтлик битим имзолангани, футболчининг ўзига эса ҳафталик маоши 100 минг фунтга тенг 4 йиллик шартнома таклиф қилингани ҳақида хабар берилганди.