Испаниялик яримҳимоячи Ферран Торрес “Манчестер Сити”дан Каталониянинг “Барселона” клубига ўтаётган кўринади. Инсайдер Николо Скиранинг ёзишича, 21 ёшли вингер “кўк-анорранглилар” билан узоқ муддатли шартномага келишиб олган.
Ферран тез орада 2026 йилгача давом этадиган шартномасини имзолайди. Трансфер январь ойида амалга оширилади. Битим суммаси 50 миллион еврога баҳоланмоқда.
Торрес ўтган ёзда инглиз грандига келиб қўшилганди, лекин биринчи таркиб ажралмас футболчига айлана олмади. Ҳозирги Англия Премьер-лигасида испаниялик футболчи 4 та учрашувда иккита гол урди ва голли узатмани амалга оширди.
