ЎФАда ВАР ҳакамларини тайёрлайдиган махсус семинар ташкил этилди. Гуруҳ таркибида ўзбекистонлик мутахассислардан ташқари Қозоғистон ва Қирғизистон вакиллари ҳам иштирок этмоқда.
ЎФА биринчи вице-президенти Равшан Эрматов дастлабки дарсларда қатнашди ва ўз фикрларини билдириб ўтди:
“ВАР тизимини мамлакатимизда жорий қилишни бошлаган пайтларимиз кўпчиликда бу тизимга эҳтиёж борми, қабилидаги саволлар пайдо бўлди. Лекин якунда кўрдикки, мазкур тизимни жорий қилиш орқали бир нечта ўйинларда адолатнинг қарор топишига эришдик, бир қатор баҳсли вазиятларга ечим топа олдик. Шу сабабли миллий чемпионатимизнинг сўнгги турлари ҳам интригага бой бўлди. Умуман олганда, бу тизим ўзини оқлади. Бироқ бу билан тўхтаб қолмаймиз, ҳакамлик соҳасини ривожлантириш, футбол ҳакамларининг малака ва салоҳиятини оширишда давом этамиз. Режага кўра, 3-ВАРни ҳам ишга тушириш бўйича ишламоқдамиз” деди Равшан Эрматов.
Маълумот учун, мазкур курсларда Фарҳод Абдуллаев бош инструктор, Владислав Тсейтлин ва Валентин Коваленко ёрдамчилик вазифасини бажаришмоқда. Дарслар 5-декабрга қадар давом этади.
