Хабарингиз бор, 2012 йилги Олий лигамиз бошланишига оз фурсат қолмоқда. Кўплаб жамоаларимиз мавсумолди тайёргарликни сўнгги босқичини ўташмоқда. Баъзи жамоаларимиз эса ҳар мавсум олдидан янги футболчиларни таништириш маросимини ўтказишга одатланиб қолишган.
Бу йил олий лигага қайтган ва ўз олдига улкан мақсадларни қўяётган Тошкентнинг «Локомотив» клуби ҳам эртага, 12 март куни янги футболчиларнинг тақдимот маросимини ўтказади. Клуб вакилларининг маълумот беришича эртага янги футболчилар ва мураббийлардан ташқари клубнинг янги логотипи, ҳамда ушбу мавсумда жамоа фойдаланадиган янги формаларнинг ҳам тақдимот маросими бўлиб ўтади.
Ушбу тақдимотда Бинди Мустафо, Жора Оганесян, Максим Казанков ва Ромик Хачатрян каби легионерлар. Александр Шадрин, Ислом Иномов, Иброҳим Раҳимов ва Ислом Тўхтахўжаев каби Ўзбекистон терма жамоаси аъзолари «Локомотив» клуби аъзолари сифатида таништириладилар.
Барча оммавий ахборот воситалари вакилларини, 12 март соат 11:00 да «Ўзбекистон» меҳмонхонасининг катта мажлислар залида бўлиб ўтадиган такдимот маросимига таклиф этамиз.
"Локомотив" футбол клуби.
