"Бавария" ҳужумчиси Томас Мюллер Германия чемпионати 14-туридан ўрин олган Дортмунднинг "Боруссия"сига (3:2) қарши ўйин ҳақида фикр билдирди.
“Биринчи бўлимда иккинчисига қараганда анча яхши ўйнадик. Албатта, якунда гол уриб ғалабани қўлга киритдик, аммо биринчи бўлимни ҳисобда олдинда якунлашимиз керак эди. Иккинчи бўлимдаги ўйинимиз билан ғалабага лойиқ эдикми ёки йўқми, амин эмасман, лекин бизда мақсад бор эди. Албатта, мен уларнинг ҳафсаласи пир бўлганини ва ғазабини тушунаман", - дея Мюллернинг сўзларидан иқтибос келтиради клуб расмий сайти.
Эслатиб ўтамиз, “Бавария” 34 очко тўплаган ҳолда турнир жадвалида пешқадамлик қилмоқда. “Боруссия” эса 30 очко билан 2-ўринда.
