“Реал Мадрид” ниҳоят бельгиялик яримҳимоячи Эден Азардан воз кечишга қарор қилди ва уни қишки трансфер ойнасида сотишга умид қилмоқда.
АS нашри журналистларининг фикрича, трансфер январь ойидаёқ расмийлаштирилиши мумкин. “Қаймоқранглилар” яримҳимоячининг трансферидан нақд пул ишлаб олмоқчи. Испания гранди унинг сотувидан 25 миллион евро ишлаб олмоқчи.
Футболчига Лондоннинг “Вест Хэм” ва “Ньюкасл” клублари қизиқиш билдирмоқда.
Эденнинг “қироллик клуби” билан шартномаси 2024 йилнинг ёзига қадар амал қилади. Бельгиялик футболчи Ла Лиганинг жорий мавсумида ўнта учрашувда фақат битта голли узатмани амалга оширди.
