"Ювентус" ҳужумчи Пауло Дибала билан шартномани узайтириш борасида келишиб олди. Журналист Николо Скиранинг хабар беришича, 28 ёшли футболчи клуб билан 2026 йилга қадар шартнома имзолайди.
Аргентиналик футболчининг маоши йилига 8,5 миллион еврони ташкил қилади (яна 1,5 миллиони бонуслар шаклида). Томонлар келишувни аллақачон расмийлаштиришлари керак эди, бироқ бу процедура Турин клуби офисидаги тинтувлар туфайли қолдирилди.
2021/22 йилги мавсумда Дибала "кекса синьора" сафида 15 та ўйинда майдонга тушиб, 8 та гол урди ва 5 та голли узатмани амалга оширди.
