“Рома” раҳбарияти “Манчестер Юнайтед” ҳимоячиси Диогу Далотга қизиқиш билдирмоқда, деб хабар беради “Gazzetta dello Sport” нашри. Эслатиб ўтамиз, футболчининг шартномаси 2022 йилнинг ёзида якунига етади.
Агар “қизил иблислар” январь ойида Далот билан янги шартнома имзоламаса, катта эҳтимол билан “бўрилар” буни қўлга киритишади. Диогуни қишки трансфер ойнасида олиш харидорга 10 миллион еврога тушади.
Эслатиб ўтамиз, “бўрилар” бош мураббийи Жозе Моуриньо олдин “Манчестер Юнайтед”да Далот билан бирга ишлаган, энди эса футболчи билан “Рома”да бирлашмоқчи.
