“Интер” яримҳимоячиси Хоқон Чалханоглу Италия чемпионатининг ноябрь ойидаги энг яхши футболчиси деб топилди. Бу ҳақда А серия матбуот хизмати хабар берди. 

Ўтган ойда Хоқон Чалханоглу Италия чемпионатида учта ўйин ўтказди. Уларда туркиялик футболчи учта гол ва шеригига битта самарали узатмани амалга оширди.

Ҳоқон Чалхоногли ўз совринини “Интер”нинг Италия чемпионатидаги навбатдаги ўйини олдидан олади. 12 декабрь, якшанба куни Симоне Индзаги шогирдлари ўз майдонида “Кальяри”га қарши баҳс олиб боради.

Эслатиб ўтамиз, Хоқон Чалхоноглу ўтган ёзда “Милан”дан “Интер”га ўтган эди.