Европа Чемпионлар лигасида гуруҳ босқичи баҳслари ўз якунига етмоқда. Қуйида "Б" гуруҳида бўлиб ўтган ўйинларга оид қизиқарли статистика ва фактлар билан танишишингиз мумкин.

– “Ливерпуль” ЕЧЛ гуруҳ босқичида 100 фоизлик натижа қайд этган илк инглиз клуби бўлди;

– Муҳаммад Салоҳ ЕЧЛ бир мавсуми гуруҳ босқичида 7 та гол урди. Бу “Ливерпуль” учун рекорд натижа ҳисобланади;

– Антуан Гризманн “Атлетико”га қайтгандан кейин ЕЧЛнинг 5 та ўйинида 4 та гол урди;

– “Милан” гуруҳ босқичида 4 очко тўплади. Бу италян клублари учун мусобақадаги энг ёмон иккинчи натижа. “Рома” 2004/05-йилги мавсумда 1 очко тўплаганди;

– Салоҳ ЕЧЛда кетма-кет 7 та сафар ўйинида гол урди ва бу орқали Роналдунинг рекордини такрорлади;

– “Атлетико” Диего Симеоне даврида 9 уринишдан 8 марта ЕЧЛ плей-оффига чиқди. Чиқа олмаганда эса Европа Лигасини ютганди;

– Златан Ибраҳимович яна ЕЧЛда ғолиб чиқа олмайдиган бўлди. 40 ёшли футболчи 7 хил клуб сафида 16 марта мусобақада иштирок этган;

– Салоҳ “Ливерпуль” сафида кетма-кет 5 мавсумдан бери 20+ гол урмоқда. Мисрлик футболчи бу натижани қайд этган Йан Раш давридан кейинги илк ўйинчи бўлди.