Yevropa Chempionlar ligasida guruh bosqichi bahslari o‘z yakuniga yetmoqda. Quyida "B" guruhida bo‘lib o‘tgan o‘yinlarga oid qiziqarli statistika va faktlar bilan tanishishingiz mumkin.
– “Liverpul” YECHL guruh bosqichida 100 foizlik natija qayd etgan ilk ingliz klubi bo‘ldi;
– Muhammad Saloh YECHL bir mavsumi guruh bosqichida 7 ta gol urdi. Bu “Liverpul” uchun rekord natija hisoblanadi;
– Antuan Grizmann “Atletiko”ga qaytgandan keyin YECHLning 5 ta o‘yinida 4 ta gol urdi;
– “Milan” guruh bosqichida 4 ochko to‘pladi. Bu italyan klublari uchun musobaqadagi eng yomon ikkinchi natija. “Roma” 2004/05-yilgi mavsumda 1 ochko to‘plagandi;
– Saloh YECHLda ketma-ket 7 ta safar o‘yinida gol urdi va bu orqali Ronalduning rekordini takrorladi;
– “Atletiko” Diyego Simeone davrida 9 urinishdan 8 marta YECHL pley-offiga chiqdi. Chiqa olmaganda esa Yevropa Ligasini yutgandi;
– Zlatan Ibrahimovich yana YECHLda g‘olib chiqa olmaydigan bo‘ldi. 40 yoshli futbolchi 7 xil klub safida 16 marta musobaqada ishtirok etgan;
– Saloh “Liverpul” safida ketma-ket 5 mavsumdan beri 20+ gol urmoqda. Misrlik futbolchi bu natijani qayd etgan Yan Rash davridan keyingi ilk o‘yinchi bo‘ldi.
