Чемпионлар лигасида гуруҳ босқичи деярли якунланди, Италияда қор ёғиши сабабли қолдирилган битта ўйин бор (“Аталанта” – “Вильярреал”). Турнирнинг плей-офф босқичидаги 16 иштирокчидан 15 нафари аллақачон маълум. 

1/8 финалдаги биринчи саватчадан “Манчестер Сити”, “Ливерпул”, “Аякс”, “Реал”, “Бавария”, “Манчестер Юнайтед”, “Лилль” ва “Ювентус” жой олди.

Иккинчи саватчада еттита жамоа бор: ПСЖ, “Атлетико”, “Спортинг”, “Интер”, “Бенфика”, “Зальцбург” ва “Челси”. Яна бир иштирокчи қолдирилган учрашув натижаларига кўра аниқланади.

“Лейпциг”, “Порту”, “Боруссия Дортмунд”, “Шериф”, “Барселона”, “Севилья”, “Зенит” ва “Аталанта” – “Вильярреал” жуфтлигидаги жамоалардан бири Европа Лигасига тушиб кетди.