Бугун “Шўртан”нинг Ғузор шаҳрида бўлиб ўтган янги бош мураббий ва янги футболчиларни таништириш маросимида Раҳматилло Бердимуродов кўринмади.
Нега? Мана шу савол кўпчиликни қизиқтираётгани турган гап. Ёдингизда бўлса, “Шўртан” клуби пойтахтимизда “Қизилқум” клуби билан ўртоқлик учрашувини ўтказганди ва ўшанда Ҳамза Каримов билан кутилмаганда тўқнашиб кетган Раҳматилло Бердимуродов оғир жароҳат олиб шифохонага олиб кетилганди.
Шунинг учун чап қанот ҳимоячиси Раҳматилло Бердимуродов бугунги таништирув маросимида иштирок эта олмади. Футболчининг аҳволи қандай эканлигини билиш мақсадида клуб шифокорига мурожаат қилдик:
“Раҳматилло Бердимуродовнинг жароҳатини енгил деб бўлмайди. Бугун, яъни 13 март куни унга шифохонадан чиқиб учун рухсат берилди. Эртага клуб ихтиёрига келиб қўшилади ва муолажаларни шу ерда давом эттирамиз. Футболчи яқин кунлар ичида майдонга туша олмайди” - дейди клуб шифокори Тадеуш Переход.
Таништирув маросими чоғида Раҳматилло Бердимуродовга 21-рақам берилганлигини клуб ижрочи директори Икром Норчаев расман эълон қилди.