"Атлетико" вингери Жоау Фелиш фаолиятини АПЛда давом эттириши мумкин.

Испаниянинг "Cadena CER" нашри маълум қилишича, 22 ёшли португалияликнинг хизматларига "Арсенал", "Ливерпуль", "Манчестер Юнайтед" ва "Ньюкасл" клублари қизиқиш билдирмоқда.

Хабарларга кўра, футболчи учун энг манфаатли таклиф “Ньюкасл”дан тушди, бироқ футболчи "қарғалар" сафига ўтишни истамаяпти.

Қайд этилишича, Фелиш қишки трансфер ойнасидаёқ клубни тарк этишга тайёр. "Атлетико" агар фойдали таклиф тушса, футболчини қишда сотиб юбориши мумкин. Эслатиб ўтамиз, Фелишнинг трансфери "Атлетико"га 127 миллион еврога тушган эди.

Жорий мавсумда Жоао 12 та ўйинда 1 та гол ва 2 та голли узатмага муаллифлик қилган.