Бельгиялик яримҳимоячи Эден Азар аввалроқ Лондоннинг “Челси” клуби қизиқишлари доирасига тушгани ҳақида хабар қилинганди. “Goal.com” порталининг маълум қилишича, “Вест Хэм” ҳам футболчининг хизматларига қизиқиш билдирмоқда. 

“Болғачилар” раҳбарияти аллақачон “Реал Мадрид” билан музокарага киришган ва футболчининг трансфери учун 25 миллион евро таклиф қилган. Бироқ бу таклиф “қироллик клуби”га маъқул келмади. Испания гранди яримҳимоячини сотишдан 50 миллионга яқин пул фойда кўришга умид қилмоқда.

Эденнинг “қаймоқранглилар” билан амалдаги шартномаси 2024 йилнинг июнь ойи охиригача тузилган. 

Ла Лиганинг жорий мавсумида бельгиялик футболчи ўнта ўйин ўтказиб, битта голли узатмани амалга оширди.