Belgiyalik yarimhimoyachi Eden Azar avvalroq Londonning “Chelsi” klubi qiziqishlari doirasiga tushgani haqida xabar qilingandi. “Goal.com” portalining ma’lum qilishicha, “Vest Xem” ham futbolchining xizmatlariga qiziqish bildirmoqda.
“Bolg‘achilar” rahbariyati allaqachon “Real Madrid” bilan muzokaraga kirishgan va futbolchining transferi uchun 25 million yevro taklif qilgan. Biroq bu taklif “qirollik klubi”ga ma’qul kelmadi. Ispaniya grandi yarimhimoyachini sotishdan 50 millionga yaqin pul foyda ko‘rishga umid qilmoqda.
Edenning “qaymoqranglilar” bilan amaldagi shartnomasi 2024 yilning iyun oyi oxirigacha tuzilgan.
La Liganing joriy mavsumida belgiyalik futbolchi o‘nta o‘yin o‘tkazib, bitta golli uzatmani amalga oshirdi.
