Евро-2012 мусобақасини бевосита Украина ва Польшадан туриб томоша қилиш имкони мавжуд. 15 март соат 16:00 да ЎФФ анжуманлар залида УЕФАнинг Евро-2012 мезбонлик программаси бўйича тақдимот маросими бўлиб ўтади.
Сир эмаски, 8 июнь куни старт оладиган Евро-2012 мусобақасига Украина ва Польша мамлакатлари мезбонлик қилади. Шу мақсадда УЕФА бир қатор мамлакатларда Евро-2012 программаси ва ташкилий масалалари бўйича тақдимот маросимини ўтказмоқда. Тақдимот асосан Евро-2012 мусобақасини бевосита Украина ва Польшадан туриб кузатишни мақсад қилган ҳорижий футбол мухлисларига мўлжалланган. УЕФА вакили Веселин Портарски презентация давомида Евро-2012 мусобақаси, ундаги меҳмонхона, ресторан, мухлислар учун яратилган шароитлар, ўйинлар учун чипта ва қолган барча ташкилий масалалар бўйича маъруза қилади. Мухлисларни қизиқтирган саволларга жавоб қайтаради.
Унда иштирок этиш истагида бўлган кишилар media@the-uff.comпочта манзилига хат йўллаб, ташриф ҳақида маълум қилишлари талаб этилади. Презентацияда иштирок этувчи кишилар касби ва сони чегараланмаган. Улардан фақатгина этика ва эстетика қоидаларига амал қилиб талаб этилади, холос.
