Мадриднинг “Реал” клуби бельгиялик ярим ҳимоячи Эден Азардан қутулмоқчи, дея хабар беради "AS" нашри.
Маълумотларга кўра, "қироллик клуби" Эден учун келган ҳар бир таклифини ўрганиб чиқади. Клуб белгиялик футболчи энди "Челси"да кўрсатган даражасини қайтара олмаслигини тушунади.
Қайд этилишича, футболчи “қаймоқранглилар” сафида солиқлардан ташқари 30 миллион евро ишлаб топади ва Гарет Бэйл билан биргаликда жамоада энг кўп маош олувчи футболчи ҳисобланади. Азарнинг юқори маоши потенциал харидорлар учун асосий муаммо ҳисобланади.
"Мадрид" белгиялик футболчини январдаги трансфер ойнасида ҳеч бўлмаганда ижарага беришга умид қилмоқда.
Бироқ, бу ерда ҳам муаммо бор, чунки Азарнинг ўзи қишда жамоа алмаштиришни истамайди. Тез орада унинг оиласида бешинчи фарзанди дунёга келади ва футболчи бу воқеа Испанияда бўлишини истайди.
