Англия Премьер-лигаси ўз қатнашчилари бўлган 20та клубдан коронавирус чекловлари ва амалиётига риоя қилишни сўради. Ҳозирда Англияда вирус билан боғлиқ вазият яна ёмонлаша бошлаган.
Касалланиш яна АПЛ клублари ичида содир бўла бошлади. Жумладан, "Тоттенхэм"нинг "Брайтон"га қарши баҳси қолдирилди. "Лестер" ҳам ўз футболчиларида вирус аниқланганини тасдиқлади.
Сўнгги хабарлар кўра, "Норвич"да ҳам касалланиш билан боғлиқ ҳолат мавжуд бўлиши мумкин. Шу сабаб, челов чоралари яна кучга киради.
Чоршанба куни Буюк Британия бош вазири Борис Жонсон ҳукумат янги "омикрон" штаммига қарши курашда "Б режа"ни ишга солишини айтиб ўтганди.
