"Ливерпуль" ҳимоячиси Эндрью Робертсон "Манчестер Сити" ва "Челси" билан биргаликдаги чемпионлик кураши ҳақида гапирди.
"Хато қилишга ҳаққимиз йўқ, буни рақиблар ҳам тушуниб турибди. Иложи борича барча ўйинларда ғалабага эришишимиз керак.
"Ман Сити" биздан олдинроқ ўйинини ўтказди, улар ғалабага эришганини билардик, шу сабабли уларга босим ўтказиш керак эди. Бахтни қарангки, бунга эриша олдик.
Биз ва "Сити" анча вақтдан буён чемпионликка курашяпмиз, "Челси" эса Тухель келганидан кейин яхши ҳолатга кириб бормоқда. Улар ҳам ушбу мавсумда чемпионликни ўйлашса ажаб эмас", - деди Робертсон.
