Халқаро футбол тарихи ва статистикаси федерацияси турли йўналишлар бўйича XXI асрнинг энг яхшилари рейтингини эълон қилишда давом этмоқда. Бу ташкилот Осиё қитъаси бўйича асримизнинг энг яхши клуби рейтинг жадвалини эълон қилди. Бу жадвални тузишда Осиё клубларининг 2001-2011 йиллар оралиғида (11 йил) қайд этган расмий натижалари инобатга олинган.

Унга кўра, Тошкентнинг “Пахтакор” клуби Саудиянинг “Ал-Иттиҳод” клуби билан биргаликда рейтингнинг 2-поғонасини банд этган. Хабарингиз бор, ушбу жамоалар бундан 10 кун аввал ОЧЛ доирасида ўзаро тўқнаш келишганди. Осиё қитъасида 21-асрнинг энг яхши клуби сифатида “Ал-Ҳилол” эътироф этилди. “Иттиҳод” ва “Пахтакор” ҳисобида 869,5 очко йиғилган бўлиб, улар “Ал-Ҳилол”дан 51,5 очкога ортда қолишмоқда. Рейтинг жадвалининг 4 ва 5-поғоналари Япониянинг икки клуби — “Гамба Осака” ва “Кашима Антлерс”га тегишли бўлиб турибди. Шунингдек, кучли ўнликка Жанубий Кореянинг уч (“Сувон”, “Сеонгнам”, “Чжонбук”), Эрон (“Сепоҳон”) ва Қатар (“Ас-Садд”)нинг бир клубларига кирган.

Ўзбек клублари орасида “Пахтакор”дан кейинги ўрин “Нефтчи”га тегишли — 34-ўрин. Кейинги ўринлар эса “Насаф” (38-ўрин) ва “Бунёдкор” (41-ўрин) жамоалари эгаллаб турибди. “Машъал” эса кучли юзликка кира олмади — 104-ўрин.

Топ-290га эса Ўзбекистоннинг 15та жамоаси кирган. Қизиқ томони, “Трактор” ҳам 244-ўрин билан рейтингда қайд этилган.

Осиё қитъасининг XXI асрдаги энг яхши жамоалари рейтинги
(кучли йигирматалик ҳамда Топ-290га кирган ўзбек клублари)

1. Ал-Ҳилол (Саудия Арабистони) - 921,0
2. Пахтакор (Ўзбекистон) - 869,5
2. Ал-Иттиҳод (Саудия Арабистони) - 869,5
4. Гамба Осака (Япония) - 847,0
5. Кашима Антлерс (Япония) - 845,5
6. Сувон Самсунг Блюингз (Жанубий Корея) - 843,0
7. Сеонгнам Ильва Чунма (Жанубий Корея) - 808,5
8. Сепоҳон (Эрон) - 794,0
9. Ас-Садд (Қатар) - 750,0
10. Чжонбук Хундай Моторс (Жанубий Корея) - 746,5
11. Ал-Кувайт (Кувайт) - 711,0
12. Ал-Aйн (БАА) - 701,5
13. Истиқлол (Эрон) - 687,0
14. Аш-Шабоб (Саудия Арабистони) - 684,5
15. Ал-Қодисия (Кувайт) - 672,5
16. Ал-Файсалий (Иордания) - 663,0
17. Шандонг Луненг (Хитой) - 652,0
18. Урава Ред Даймондс (Япония) - 650,
18. Ал-Карама (Сурия) - 650,0
20. Поханг Стилерз (Жанубий Корея) - 647,5
34. Нефтчи (Ўзбекистон) - 546,5
38. Насаф (Ўзбекистон) - 525,0
41. Бунёдкор (Ўзбекистон) - 504,0
104. Машъал (Ўзбекистон) - 339,5
142. Навбаҳор (Ўзбекистон) - 276,0
155. Қизилқум (Ўзбекистон) - 266,5
167. Динамо (Ўзбекистон) - 253,0
183. Шўртан (Ўзбекистон) - 227,0
184. Андижон (Ўзбекистон) - 226,5
188. Бухоро (Ўзбекистон) - 223,5
197. Металлург (Ўзбекистон) - 216,0
229. Локомотив (Ўзбекистон) - 175,5
244. Трактор (Ўзбекистон) - 162,0
278. Сўғдиёна (Ўзбекистон) - 136,5