УЕФА чемпионлар Лигасининг курашни давом эттирувчи 8 клуби аниқ бўлса, эрталабгача Европа Лигасининг барча чорак финалчилари номи маълум бўлади.
Кўҳна қитъанинг ушбу нуфузли турнирларининг чорак финал ва ярим финалига қуръа ташлаш маросими бугун — 16 мартда бўлиб ўтади.
Тошкент вақти билан соат 16:45да НТВ+Футбол канали орқали Европа Лигаси 1/4 ва 1/2 финал ўйинларига қуръа ташланиши жонли эфирда олиб кўрсатилса, соат 17:00 да чемпионлар Лигасининг чорак ва ярим финаллари ўйинлари қуръаси тўғридан-тўғри намойиш этилади.
Эслатиб ўтамиз, УЕФА чемпионлар Лигаси чорак финал ўйинларининег дастлабкиси 27-28 март кунлари ўтади. Жавоб учрашувлари эса 3-4 апрелга белгиланган. Ярим финалларнинг дастлабкиси 17-18 апрелда бўлиб ўтса, жавоб ўйинлари 24-25-апрелларга мўлжалланган. Финал эса 19 май куни Мюнхендаги «Альянц Арена»да бўлиб ўтади.
Европа Лигаси 1/4 финал ўйинларининг дастлабкиси 29 мартга, жавоб учрашувлари 5 апрелга, ярим финаллар мос равишда 19 ва 26 апрелларга, финал эса 9 май куни Бухарестдаги Миллий стадионда ўтиши аввалдан белгилаб қўйилган.
