«Реал» директори Эмилио Бутрагеньо Европа чемпионлар лигаси нимчорак финал босқичига қайта ташланган қуръа борасида ўз фикрини билдириб ўтди.

Дастлаб ўтказилган қуръада "Қироллик клуби"га "Бенфика" рақиб бўлганди. Шу боис, мадридликлар такрорий қуръада "Бенфика" - "Реал" жуфтлигини сақлаб қолиш кераклигини айтишганди. Такрорий қуръада эса "қаймоқранглилар"га "ПСЖ" тушди.

«Бу ғалати ва ачинарли ҳодиса. Буни қабул қилиш қийин. Қуръни кутган миллионлаб мухлислар ва спорт оламини инобатга олиш керак.

Биз "ПСЖ"га қарши ўйинни интизорлик билан кутамиз. Чунки, ушбу мусобақа клубимиз ва ишқибозларимиз учун қандай аҳамиятга эга эканини биламиз. Биз рақибнинг кучини ва уларнинг ўйинчилари даражасини яхши биламиз, аммо биз ҳар иккала баҳсни аъло даражада ўтказишимизга ишончим комил. Чорак финалга чиқамиз, деган умиддаман», – деди Бутрагеньо.