"Бенфика" ҳимоячиси Николас Отаменди Португалия чемпионатининг 14-тури доирасида "Фамаликау"га қарши сафар учрашувидан кейин Лиссабондаги уйида ҳужумга учради. Бу ҳақда "Correiro da manhã" нашри маълум қилди.

Бу талончиликдан давомида футболчининг рафиқаси ва ўғли ҳам жароҳат олган. Тўрт нафар ҳужумчи Отамендига ҳужум қилиб, унинг бўйнига камар боғлаб, пул ва қимматбаҳо соатни ўғирлаб кетишган.

Қайд этиш жоиз, 33 ёшли аргентиналик футболчи жорий мавсумда клуб сафида 22 ўйин ўтказиб, битта голли узатмани амалга оширди.