"Бавария" форварди Роберт Левандовски ўзига қарши ўйнаган энг кучли ҳимоячилар ҳақидаги саволга жавоб берди.
“Мен иккитасини айтаман: Жоржио Кьеллини ва Серхио Рамос. Улар жуда қаттиқ ўйнашади ва жисмонан кучли футболчилардир. Улар ўйиннинг барча нозик томонларини билишади. Шунга яраша, улар доимо тўғри ва деярли ҳар доим юзларида табассум билан ўйнашади. Уларга қарши ўйнаш нафақат қийин, балки қизиқарли", - деди Левандовски "Tuttosport" нашрига берган интервьюсида.
Бундеслиганинг жорий мавсумида 33 ёшли Левандовски 15 та ўйин ўтказиб, 16 та гол ва 1 та голли узатмани амалга оширди.
