"Globe Soccer Awards" версияси бўйича йилнинг энг яхши футболчиси соврини учун якуний номзодлар эълон қилинди.

Ундан Криштиану Роналду ("Манчестер Юнайтед"), Киллиан Мбаппе, Лионель Месси (иккиси – ПСЖ), Карим Бензема ("Реал"), Роберт Левандовски ("Бавария") ва Муҳаммад Салоҳ ("Ливерпуль") ўрин олишди. Тақдирлаш маросими 27 декабрь куни Бирлашга Араб Амирликларининг Дубай шаҳрида бўлиб ўтади.

Аввалроқ ушбу совринни Роналду (6 марта), Радамель Фалькао, Франк Рибери, Месси (1 мартадан) қўлга киритишган. Маълумотларга қараганда, "Globe Soccer Awards" совринининг таъсисчиси Роналдунинг агенти Жорже Мендеш ҳисобланади.