“Лацио” президенти Клаудио Лотито жамоа бош мураббийи Маурицио Сарри билан шартнома узайтирилганини маълум қилди.
“Мен футболни ўзгартира оладиган Маурицио Сарри билан учрашдим. Унинг бу спорт турига иштиёқи катта, шу спорт тури билан яшайди. Мураббийимиз ишончли инсон. Мен у билан шартномани икки йилга узайтиришни айтдим», - дея Лотитонинг сўзларини келтиради РаиСпорт.
Сарри 2021 йилнинг июньида «Лацио»ни бошқарган ва клуб билан 2023 йилнинг июньи охиригача шартнома имзолаган. Шу тариқа, узайтирилганидан кейин 62 ёшли италиялик мутахассиснинг шартномаси 2025 йилнинг июнь ойи охиригача амал қилади.
