Бугун “Манчестер Сити”нинг собиқ ҳужумчиси Серхио Агуэро футболчилик фаолиятини якунлади. У Англия Премьер-лигасида ноёб футболчи эди. У “шаҳарликлар”нинг энг яхши тўпурари унвонидан ташқари бошқа бир қатор ажойиб ютуқларга ҳам эришган. 

Жимми Гривздан кейин фақатгина Агуэро инглиз клуби таркибида кетма-кет олти мавсумда 28 ёки ундан кўп гол урган. Шунингдек, фақат Агуэро ва Анри кетма-кет беш йил давомида Премьер-лигада 20 ёки ундан кўп гол уришди.

Агуэро хет-триклар сони бўйича Англия чемпионати рекордчиси ҳисобланади. Унда Криштиану Роналду, Эрик Кантон, Деннис Бергкамп,   Даниэль Старриж, Юрген Клинсманн, Жанлука Виалли, Луи Саа, Гарет Бэйл, Диего Коста, Самуэль Это’о, Пьер-Эмерик Обамеянг ва Оливье Жируни ортда қолдирган.