Бугун "Локомотив" ПФК раҳбарияти ва асосий жамоа мураббийлар штаби ўртасида учрашув бўлиб ўтди.
Мазкур учрашувда жамоанинг янги бош мураббийи этиб Денис Коростиченко тайинланди. Йиғилишда Коростиченкога ёрдам берадиган мураббийлар штаби ҳам белгилаб олинди.
Кўпчиликка яхши таниш Жамшид Саидов ҳамда ушбу мавсум футболчилик фаолиятини якунлаган Акмал Шораҳмедов асосий жамоа мураббийлар штабидан жой олишди. Жамшид Саидов ёрдамчи мураббий сифатида фаолият олиб борса, Акмал Шораҳмедов жисмоний тайёргарлик бўйича мураббий бўлиб ишлайди.
Мураббийлар штабида шунингдек, тажрибали Андрей Микляев билан дарвозабонлар мураббийи Алишер Аҳмедов ҳам фаолият юритади.
