Мюнхеннинг “Бавария” клуби расмий сайти орқали, хитойлик 18 ёшли футболчи Лю Шаоцзян билан шартнома имзолагани ҳақида хабар тарқатди. Футболчи билан 2025 йилга қадар шартнома имзоланган, аммо ҳозирча у ёшлар таркибида ўйнайди.
Эслатиб ўтамиз, олдин Лю “Ухан Шангвен” жамоасида ўйнаган. Хитой клуби “Бавария”нинг ҳамкори ҳисобланади.
Шаоцзяннинг бўйи 190 сантиметр, у аллақачон клуб академияси билан дастлабки машғулотни ўтаган. Лю жамоага тез мослашиш учун мунтазам равишда немис тилидан сабоқ олмоқда.
