"Барселона" жамоа ярим ҳимоячиси Френки де Йонгни сотиш имкониятини кўриб чиқмоқда.
Marca хабарига кўра, Каталония клуби 24 ёшли ярим ҳимоячини фойдали деб ҳисоблашни тўхтатган, чунки бу мавсумда у кутилганидан ҳам ёмонроқ ўйнамоқда. "Барселона" яхши таклиф тушса ёзда де Йонгни сотиши мумкин. Каталонияликлар бу трансфердан катта маблағ ишлаб олмоқчи.
Қолаверса, де Йонгнинг кетиши "Барса"нинг молиявий ахволига ҳам ижобий таъсир қилади. Футболчининг маоши ва трансфер амортизацияси ҳисобга олинса, Френкининг кетиши клубга йилига 30 миллион евро фойда олиб келади.
Педри, Гави ва Нико Гонсалеснинг де Йонгнинг ўрнини боса олишини ҳисобга олиб, клуб Френкини таркибда сақлаб қолиш зарур деб ҳисобламаяпти.
