"Barselona" jamoa yarim himoyachisi Frenki de Yongni sotish imkoniyatini ko‘rib chiqmoqda.

Marca xabariga ko‘ra, Kataloniya klubi 24 yoshli yarim himoyachini foydali deb hisoblashni to‘xtatgan, chunki bu mavsumda u kutilganidan ham yomonroq o‘ynamoqda. "Barselona" yaxshi taklif tushsa yozda de Yongni sotishi mumkin. Kataloniyaliklar bu transferdan katta mablag‘ ishlab olmoqchi.

Qolaversa, de Yongning ketishi "Barsa"ning moliyaviy axvoliga ham ijobiy ta’sir qiladi.  Futbolchining maoshi va transfer amortizasiyasi hisobga olinsa, Frenkining ketishi klubga yiliga 30 million yevro foyda olib keladi.

Pedri, Gavi va Niko Gonsalesning de Yongning o‘rnini bosa olishini hisobga olib, klub Frenkini tarkibda saqlab qolish zarur deb hisoblamayapti.