“Ливерпуль” бош мураббийи Юрген Клопп “Тоттенхэм”га қарши ўйинда бош ҳакам Пол Тирни ишидан норози бўлди. Якуний ҳуштаги янграганидан сўнг германиялик мутахассис реферига шикоят билан мурожаат қилди ва шундан сўнг у флэш-интервью давомида “Sky Sports” телеканалида ҳам ўз фикрларини билдириб ўтди. 

“Кейннинг қўполлиги иккиланишсиз қизил карточкадир. Агар ўйинчимнинг оёғи майсазорда бўлса, синган бўларди. Негадир Робертсон шундай қоидабузарлик учун четлатилди. Шунингдек, жарима майдончасидан яна бир эпизод, Жота шунчаки жарима майдончаси ичида “чопиб” ташланди. Бу ҳакамда нима муаммо бўлганлигини билмайман. Мен ҳеч қачон ҳеч нарсага даъво қилмайман. Тирнидан нега менга бундай муносабатда бўлганини сўранг. У ҳамма нарса учун жавобгар”, - деди Клопп агрессив тарзда. 

Эслатиб ўтамиз, учрашув 2:2 ҳисобидаги дуранг билан якунланган.