"Арсенал" устози Микель Артета жамоа футболчиси Мартин Эдегор ҳамда "Манчестер Сити" афсонаси Девид Силвани таққослади. У бу ҳақида шундай дейди:
"Силва бу катта ном. Менимча, Девид сўнгги 20 йил ичидаги чизиқларни боғловчи энг яхши футболчи бўлса керак. Мартинга келадиган бўлсак, у вазиятларни олдиндан кўра олади. Мени хурсанд қилган тарафи, у ўз мақсади йўлида дадил қадам ташламоқда. У ўз позициясида энг яхшилардан бирига айланишига ишончим комил. Аммо бунга ҳали бор. Уни олдинда катта йўл кутиб турибди".
Эслатиб ўтамиз, "Арсенал"нинг кейинги ўйини лига кубоги доирасида "Сандерленд"га қарши кечади.
