Германиянинг учинчи дивизиони 20-туридан ўрин олган «Дуйсбург» ва «Оснабрюк» жамолари ўртасидаги учрашув тўхтаб қолди.

Бунга меҳмонлар ҳужумчиси Аарона Опоканинг шаънига қарата айтилган ирқчилик ҳайқириқлари сабаб бўлди, дея хабар тарқатди "The Guardian".

Манбага кўра, бош ҳакам Николас Винтер дастлаб ўйинни тўхтатган бўлса, бироз вақтдан кейин учрашув тўлиқ бекор қилинди. Боиси, «Оснабрюк» ўйинни давом эттиришдан бош тортди.

Ушбу қоидабузар қўлга олиниб, полиция идорасига юборилган. Ўйиннинг тақдири борасида ҳали қарор қабул қилинмади.

Маълумотларга қараганда, Германияда футбол баҳси ирқчилик туфайли илк марта бекор қилинган.