Афтидан Англиянинг «Манчестер Сити» клуби ўзига марказий ҳужумчи топди.

Todofichajes нашрининг тарқатган маълумотига қараганда, «шаҳарликлар» бош мураббийи Хосеп Гвардиола «Фиорентина»нинг сербиялик ҳужумчиси Душан Влаховични ўз жамоасига олиб келмоқчи. Влахович айни пайтда Италия А Сериясининг тўпурари бўлиб турибди.

21 ёшли футболчига талаблар ортиб бормоқда. «Манчестер Сити»дан ташқари, сербиялик ҳужумчига «ПСЖ», «Ювентус», «Милан», «Тоттенхэм», «Манчестер Юнайтед», «Арсенал» ва «Ньюкасл» клублари ҳам қизиқиш билдиришмоқда.

Аввалроқ, «Фиорентина» Душанни 100 миллион евродан кам бўлмаган маблағ эвазига қўйиб юбориши мумкинлигини билдирганди.