Лондоннинг “Челси” клуби “Ювентус” марказий ҳимоячиси Маттейс де Лигтни сотиб олмоқчи, дея хабар беради "The Sun".
Манбанинг хабарига кўра, Лондон клуби ҳимоя марказини кучайтириш учун ушбу номзод ўйинларини жиддий кузатиб бормоқда. Футболчининг агенти Мино Райола нидерландияликнинг янги чақирувларга тайёр эканлигини айтган сўзларидан кейин Лондон клуби қизиқиши янада ортди.
Эслатиб ўтамиз, 22 ёшли де Лигт 2019 йилнинг ёзида "Аякс"дан 85,5 миллион евро эвазига италиян жамоасига келиб қўшилган эди.
Жорий мавсумда нидерландиялик ҳимоячи Италия чемпионатининг 14та ўйинида битта гол урди. Футболчининг “Ювентус” билан шартномаси 2024 йилда якунига этади. Transfermarkt де Лигтнинг трансфер қийматини 70 миллион еврога баҳоламоқда.
