"Барселона" ҳужумчиси Лионель Месси France Football нашри версиясига кўра дунёнинг энг кўп ҳақ оладиган футболчиси бўлди. Аргентиналик тирик афсонанинг йиллик даромади 33 миллион еврони ташкил этади, шундан: 10,5 миллион евро - иш ҳақи, 1,5 миллион - мукофотлар, 21 миллион евро - турли реклама шартномаларидан.
Иккинчи ўринни "Лос-Анжелес Гэлакси" яримҳимоячиси Дэвид Бекхем эгаллаб турибди. Унинг йиллик даромади 31,5 миллион евро. Шундан: 26 миллионини турли реклама шартномалари орқали ишлаб топади.
Учликни "Реал" ҳужумчиси Криштиану Роналду якунлаб беради. Нашрнинг маълум қилишича Роналдунинг йиллик даромади 29 миллион евро. Шундан 15,5 миллионини у футболдан ташқарида ишлаб топади.
