"Арсенал" бош мураббийи Микель Артета ҳужумчи Эдди Нкетиа билан шартнома узайтирилиши билан боғлиқ вазият ҳақида гапирди.
“Эдди ҳар куни машғулотларда ажойиб ишлайди. Ўйлайманки, мен у ҳақида қандай фикрда эканлигимни, у бизга қанчалик ёқаётганини ва майдонга тушганида жамоага қандай ҳисса қўшишини кўрсатдим. Нкетияни сақлаб қолмоқчиман, лекин у кўпроқ ўйнашни хоҳлайди ва бу масалада баҳслашиш қийин. Шахсан мен ва клуб раҳбарияти Эдди биз билан қолишини истайман. Биз уни сақлаб қолишга ҳаракат қилмоқдамиз, Нкетиа клубимиз футболчиси ва жамоанинг жуда муҳим қисмидир", - деди Артета.